My Photo
shwebo, sagaing, Myanmar (Burma)
အရာအားလုံးထက် ကဗျာတစ်ပုဒ်ကို ပိုစိတ်ဝင်စားခဲ့တယ် ... အတွေးများသလောက် စကားနည်းပြီး အကြောင်းအရာတစ်ခုကိုခံစားဖို့လွယ်သလောက် မေ့ပျောက်ဖို့ခက်ခက်နေတတ်တဲ့လူတစ်ယောက် ...

Saturday, December 15, 2012

အကြောင်းကြားစာ

 ကျွန်တော် ......  (အလင်းရိုင်း)

 ထိခိုက် ဒဏ်ရာ ရနေပါသဖြင့်

16.12.2012 ရက်နေ့မှ 

? . ? ?  ရက်နေ့အထိ 

အနားယူနေပါသည် ။

Tuesday, December 11, 2012

အမှောင်ချထားသော















သိပ်ပြီးပွင့်လင်းလွန်းတဲ့ သူငယ်ချင်း

ဘယ်သူမှ မသိလိုက်တဲ့အချိန်မှာ

ကွက်လပ်တစ်ခုရဲ့ လျှို့ဝှက်ခြင်းကို ခံလိုက်ရပြီ  ..... ။


ဆောင်းနှင်းပွင့်တို့ နှုတ်ဆက်ကြချိန်မှာ -

စာသင်ခန်းထဲ သူရောက်လာခဲ့တယ် ...

သမိုင်းစာအုပ်ထဲက တစ်ချို့တစ်ဝက်ကို ပြင်ဆင်ခွင့်ရဖို့ -

အင်္ဂါနေ့တိုင်း ကျောင်းမလာဘူး လို့မှာထားခဲ့ဖူးတယ် ...

သူ့အိမ်မှာ ဒေါင်းတစ်ကောင် ရှိတဲ့အကြောင်းနဲ့ပါက်သက်ပြီး -

သူမပြန်ခင်မှာ စကားနည်းနည်းပြောဖြစ်ကြတယ်  ...

တကယ်ဆို ...

မင်းက ကိန်းပြည့်သဘောဆောင်တဲ့ ဗလာစာရွက်တစ်ရွက်ပါ -

ကိုယ့်ကိုယ်ကိုယ် ရွက်လှေချိုးပြီး ရွက်လွင့်ခဲ့သူပေါ့  ...

ဒါပေမယ့်ကွာ -

မင်းပင်လယ်က လှိုင်းကြမ်းလိုက်တာ ...

ငါ့ကို ဆက်သွယ်ဖို့ မမေ့ပါနဲ့ .....

အဲဒီနောက်တော့ တော်တော် ကြာကြာ သူပျောက်နေခဲ့တယ်  .....


နောက်ဆုံးအကြိမ် သူ့ကို တွေ့လိုက်တုန်းက

နောက်သုံးနှစ်ဆို လွတ်ပါပြီကွာ ...တဲ့

သူပြောခဲ့တဲ့စကား

တကယ့် တကယ်တမ်းမှာ

ပါမောက္ခတွေကိုယ်တိုင် ဝါကျအထားအသို မှာယွင်းကြတုန်းပဲ

အခုတော့ ကြိုးပြတ်သွားခဲ့ပြီလေ ...

ဒီသောက်ရေတွင်းရဲ့ အနက်ရှိုင်းဆုံးတစ်နေရာဆီ

ရေငင်ပုံးလေး နစ်မြုပ်သွားခဲ့ပြီ ... နစ်မြုပ်သွားခဲ့ပါပြီ  ..... ။       ။


Monday, December 10, 2012

ပျံသန်းခြင်း

မျိုးဆက်သစ်တွေအတွက် ရှင်သန်ခဲ့တဲ့ သူ

သူ လိုအပ်နေတာက သွေး

အသက်ပေးဖို့ ဝန်မလေးတဲ့ သူ

*ရည်ရွယ်ချက်က မွန်မြတ်တယ်

*ဆုံးဖြတ်ချက်က ပြတ်သားတယ်

ကြွားတာမဟုတ်ဘူး ...

 သူနဲ့တွေ့ရင် ခင်များဆိုလည်း *ဖျားမှာပဲ

သူရှင်သန်ခဲ့ရတာ *အဆိပ်ငွေ့တွေထဲ

လွတ်ဖို့ သိပ်မသေချာတဲ့ *ထောင်

ရှော့ခ်တိုက်ဖို့ စီမံထားတဲ့ လျှပ်စစ်တွေကြားက -

နောက်လူတွေအတွက် အသက်စွန့်ပြီး ရောက်လာခဲ့ရှာသူ

သူ ကျွန်တော့်ဆီ ရောက်လာတဲ့အချိန်မှာ -

ကျွန်တော် မသိဟန်ဆောင်နေခဲ့ပါတယ် ...

သူ *ပြန်သွားတော့မှ ယားနေတဲ့လက်ကို ကုတ်ဖဲ့ရင်း နှုတ်ဆက်လိုက်မိတယ် ...

Congratulations ... Mosqutio ... !

စိတ်မရှိပါနဲ့ -

ခင်များ အတောင်ပံ နဲ့ ကာရံကို ကျွန်တော် ခိုးချင်တယ် ..... ။       ။

Saturday, December 1, 2012

ခဏလေးပဲ အချိန်ပေးပါ ... !










ပကတိ ငြိမ်းချမ်းသော ဤကမ္ဘာမြေ

ရာသီဥတု သာယာ၍  -

ကံကြမ္မာဟာ တစ်ဦး တစ်ယောက်စီတိုင်းဘက်မှ -

မားမားမတ်မတ် ရပ်တည်ခဲ့သည် ..... ။

( ဒါက - မက်လက်စ အိပ်မက်အပိုင်းအစ )

လူတွေ ...

လူတွေ ... လူတွေ .....

မသိခြင်းတွေ ခင်းကျင်းထားတဲ့လမ်းမပေါ် -

နားမလည်စွာ လျှောက်သွားမိတဲ့ လူတွေ ...

မနေ့ကအမှားတွေနဲ့ နေသားကျလာတဲ့ ဘဝ

ဒီနေ့အတွက် အမှန်တရားကို ခုချိန်ထိရှာမတွေ့ခဲ့ရင် -

မနက်ဖြန်ဟာ အရင်လို အပျိုစင် မဟုတ်တော့ဘူး ...

ကျွန်တော်က ရင်ထဲရှိသလောက်ပဲ အရာထင်ချင်ခဲ့တာပါ -

အားလုံးသော ခလေးတွေအတွက် ခဏလေးတော့ အချိန်ပေး ဗျာ ... !

... ခ ဏ လေးပဲ အချိန်ပေးပါ ... !

သူတို့လေးတွေ ဘာကိုယုံကြည်ရမလဲ ... ?

သူတို့လေးတွေ ဘယ်လိုရှင်သန်နေထိုင်မလဲ ... ?

အခုလို အော်ပရေးရှင်းခန်းထဲကထွက်မလာသေးတဲ့ ကမ္ဘာမြေကြီးအတွက် -

Google search engine နဲ့ စာနာစိတ် ကို ရှာဖွေမိတယ် ..... ။       ။


Sunday, November 18, 2012

မျက်ရည်ကျစရာ ဟာသတစ်ပုဒ်

မမ်မိုရီထဲမှာ တန်ပိုတွေ များလွန်းလို့ ...

အလွမ်းတစ်ချို့ကို  သော့ခတ်ထားချင်လည်း ...

" ... မင်း ဘယ်လောက်ပဲ မူးမူး သတိရခြင်းတွေက လူမမှားဘူး ... " တဲ့

တစ်ညလုံး

ပင့်ကူအိမ်ထဲ ခုန်ချလိုက်ပါတယ် ..... ။

Password ထည့်ထားတဲ့ ငါ့မျှော်လင့်ချက်က -

* ယုယုယယနဲ့ အတူတကွနေကြမယ့် နေ့လေး *

စာရင်း ဇယားနဲ့ အတိကျဖော်ပြရရင်

ကတိစကားတစ်ခွန်းကလွဲပြီး

သေချာရေရာမှုမရှိသေးတဲ့ နေ့စွဲတစ်ခုပေါ့ ...

ရင်ဘက်ထဲက ပြည့်နက်နေလည်း -

အိပ်ကပ်ထဲမှာ လေခိုနေတော့ -

နံနက်စောစောမှာပဲ နေဝင်ခံခဲ့ရတယ် ..... ။

ဝမ်းမနည်းပါဘူး ...

ငါ့ဘက်က သက်သေတွေ သုံညနဲ့ ညီမျှသ၍ -

မည်သူမဆို လွတ်လပ်စွာ သံသယ ဝင်နိုင်ပါတယ်လေ .....

ချစ်သူ ...

အကူအညီလိုတိုင်း ဘုရားသခင်ကို ဖုန်းဆက်ရမှာလား ... ?

မင်းနားလည်အောင် စကားထာဖွက်ရရင် -

ငါက -

ဆုတောင်းခြင်းကို ဘယ်က စရမှန်းမသိခဲ့သူပါ ..... ။      ။

Saturday, November 17, 2012

ရုပ်သေး တစ်ရုပ်ရဲ့ အနာဂါတ်














အလွမ်းရဲ့ပြုစားခြင်းမှာ ရူးသွပ်နေတုန်း

ချစ်သူက အမုန်း စကားဆိုတယ် ...

မငိုပေမယ့် ...

အလိုလို ကျလာတဲ့ မျက်ရည်ရဲ့သဘာဝမှာ -

အိပ်စက်ခြင်းတွေ ပျောက်ရှခဲ့ရ ..... ။

လောလောဆယ်မှာတော့ -

လက်တွေ့ကျကျ မေးခွန်းတစ်ခုရှိတယ် ...

2 - 1 =  ?

( နှစ် ထဲက တစ်ကို နုတ်ရင် ဘာကျန်မလဲ )

သင်္ချာလိုတွက်ရင်တော့ ရှင်းရှင်းလေးပေါ့ -

ဒါပေမယ့် ...

အချစ်စစ်ရဲ့ သီအိုရီမှာတော့ -

နှစ် ထဲက တစ်ကို နုတ်ရင် ရင်ကွဲပက်လက်ကျန်ခဲ့မှာပါ    ..... ။

ကိုယ် ကိုယ်တိုင်က ကဗျာတစ်ပုဒ်ဆို -

အချစ် အက္ခရာကို ဘယ်မှာ သွားရှာမလဲ ... ?

သူ - မရှိလို့မဖြစ်တာသိရက်နဲ့

ဒီရင်ဘက်ကို ကြက်ခြေခတ်ဖို့ ကြိုးစားခဲ့တာလား  ....

ရုပ်သေးတစ်ရုပ်ရဲ့ အနာဂါတ်အတွက်

ကကြိုးတွေ ပေးခဲ့ပါဦးသခင် .....  ။       ။

Friday, November 16, 2012

မငိုနဲ့တော့ ချစ်သူရေ ...








ပင်လယ်ရပ်ဝန်းမှာ တိုက်ခတ်ဖို့

မုန်တိုင်းကို ဘယ်သူဖိတ်ခေါ်ခဲ့တာလဲ ... ?

အဖြေကို ရှာမတွေ့ခင်မှာပဲ -

- အညာဒေသမှာ အသံမဲ့ မိုးတွေက ရွာ .....

ဒီလိုပါပဲ ...

ဝင်းမှည့်နေတဲ့ ဟာရီကိန်းတစ်ခုက -

- ငါ့ရင်ဘက်ပေါ်ကို တည့်တည့် မတ်မတ်ကြွေ အကျ -

- ချစ်သူ ခမျာမှာလည်း

မိုးဆွေနေတဲ့ မျက်ဝန်းတွေကို ဘယ်လိုကုသ ရမလဲ မသိရှာခဲ့ ...

မငိုပါနဲ့ ...

မငိုနဲ့တော့ ချစ်သူရေ ...

နောက်ဆိုရင် အနားမှာပဲ ရှိနေတော့မှာပါ .....

.......... ...... ..........

ချစ်သူကို ချော့တဲ့ ငါ့အားပေးစကားတွေက

ဘာကြောင့်များ ငိုသံတွေ စိုရွှဲနေရတာလဲ ... ?

ခလေးငယ် တစ်ယောက်ရယ် ...

မရေရာသေးတဲ့ အနာဂါတ်ကို

ခိုကိုးရာမဲ့ မျှော်ငေးနေမလား ... ?

သူမအတွက်တွေးပြီး

အကြိမ်ကြိမ်ကြေကွဲ ပါတယ် ..... ။

တစ်ခါတရံမှာ

အိုမာခရမ် နဲ့ တာရာမင်းဝေရဲ့ သဘောထားကွဲလွဲမှုလေးလို

သူမကို မြတ်နိုးခဲ့ပါတယ် .....

တစ်ခါတရံမှာတော့

အားလုံးနဲ့ သဘောထားကွဲလွဲလိုက်ချင်တယ်

အချစ် နဲ့ စစ် ဆိုတာ နှစ်ခုလုံး မတရားပါဘူး

ကိုယ့် အလှည့်ရောက်ခဲ့ရင်

အကြွေစေ့တစ်ခုကို ခေါင်းပန်းလှန်လိုက်မယ်

သူရဲကောင်းမဖြစ်ရင်လည်း နေပါစေ ...

အချစ်စစ်မှန်ရင်

ရွပ်ရွပ်ချွံချွံ ပဲ  ပေးဆပ်လိုက်မယ် ..... ။     ။